Sot janë mësuar tri skuadrat e para gjysmëfinaliste të Digitalb Kupës së Kosovës në futboll, janë këto Besa, Drenica dhe Llapi.

Besa arriti të mposhtë Prishtinën në stadiumin ‘Shahin Haxhiislami’, në Pejë, me rezultat 1:0. Pejanët u kualifikuan në saje të autogolit të shënuar nga Gentrit Dumani, në minutën e 35-të.

Ndërkohë, me të njëjtin rezultat fitores para tifozëve të vet iu gëzua edhe Drenica në duel me Ferizajn. Golin e vetëm në ndeshjen e zhvilluar në stadiumin “Bajram Aliu” në Skenderaj e shënoi Taulant Dajaku, në minutën e 44-t nga penalltia.

Ndërkaq, Llapi arriti të sigurojë biletën për gjysmëfinale vetëm pas vazhdimeve dy herë nga 15 minuta, pasi ndeshja në kohën e rregullt u mbyll baras 3:3. Në fund llapjanët fituan 4:3, falë golit të shënuar në minutën e 93-të nga Armend Blakqori.

Golat në kohën e rregullt për llapjanët i shënuan Festim Krasniqi (36’) nga penalltia, Berat Hyseni (38’) dhe Fuat Karabeg (68’), derisa për Lirinë realizuan Blendi Memaj (45’), Henry Chibueze (56’, 68’)./Arbresh.info

Digitalb Kupa e Kosovës – Çerekfinalja

Rezultatet:

Drenica-Ferizaj 1-0
Besa-Prishtina 1-0
Llapi-Liria 3-3, 4-3 në vazhdime

Nesër:

Trepça-Trepça ‘89